13 кастрычніка ў раённай цэнтральнай бібліятэцы прайшла творчая сустрэча “Я складаю вершы пра вас..” з пісьменнікам Віктарам Шніпам, членам Саюза пісьменнікаў Беларусі. На мерапрыемства прыйшлі прыхільнікі літаратурнай творчасці, бібліятэкары. Віктар Анатольевіч Шніп – заслужаны пісьменнік, адзначаны шматлікімі ўрадавымі ўзнагародам, лаўрэат спецыяльнай прэміі Прэзідэнта Рэспублікі Беларусь у намінацыі “Мастацкая літаратура” (2008), з таго ж года працаваў галоўным рэдактарам аднайменнага выдавецтва, зараз намеснік дырэктара і галоўны рэдактар часопіса «Полымя».

Эрудзіраваны суразмоўца, добразычлівы і інтэлігентны чалавек, ён стварыў захапляльную атмасферу зносін паміж пісьменнікам і чытачамі. Гэты незвычайны аўтар, ён стварае свае творы, выдатна арыентуецца ў сучаснай беларускай літаратуры, да таго ж першы знаёміцца з творчасцю новых, маладых аўтараў і масцітых пісьменнікаў. Гутарка атрымалася рознабаковай, гаварылі аб творчасці Віктара Шніпа, аб працы выдавецтва і, вядома, не абышлі бокам значную падзею — стагоддзе літаратурнага часопіса «Полымя». Як галоўны рэдактар, Віктар Анатольевіч падзяліўся сваімі творчымі планамі і задумкамі аб рабоце літаратурнага выдання.
Сустрэчу падтрымаў пісьменнік-зямляк Фёдар Гурыновіч. З госцем мерапрыемства іх звязвае літаратурная творчасць.