21 снежня ўдзельнікі літаратурна-краязнаўчага аб’яднання “Вытокі” Салігорскай раённай цэнтральнай бібліятэкі сумесна з навучэнцамі ДУА “Гімназія №3 г. Салігорска” арганізавалі творчую сустрэчу “Сцежкі зведаныя і нязведаныя”, прысвечаную 110-годдзю з дня нараджэння таленавітага прадстаўніка беларускай савецкай літаратуры пасляваеннага перыяду, нашага земляка Аляксея Мікалаевіча Кулакоўскага. Вядучая мерапрыемства бібліятэкар Н.Мігун пачала размову аб неабходнасці захавання літаратурнай спадчыны сваёй малой Радзімы.

Сваімі ўспамінамі пра сустрэчы з Аляксеем Кулакоўскім падзяліўся пісьменнік-зямляк Фёдар Гурыновіч, член Саюза пісьменнікаў Беларусі, лаўрэат літаратурнай прэміі імя Я. Маўра.
Потым гасцям была прадстаўлена прэзентацыя па аповесці А.Кулакоўскага “Родныя шыроты”. Яшчэ на слуху такія назвы, як Кавалёва Лаза, Пясчанка, Юсцікакава Горка. Мала хто з нас памятае, што было урочышча, якое мела назву Шаўчыха. А непадалёку ад Шаўчыхі было Белае балота. Багна, а белае. Яшчэ былі: Зосін Лужок, Дзедаў лес, Мянёва і іншыя мясціны. Шмат чаго цікавага даведаліся прысутныя сустрэчы, змаглі пераканацца ў тым, што творы гэтага цікавага і самабытнага пісьменніка актуальныя і ў наш час.
Да мерапрыемства была падрыхтавана кніжная выстава “Літаратурны партрэт на фоне юбілею”.