21 сакавіка ў межах літаратурна-краязнаўчага аб’яднання “Вытокі” раённай цэнтральнай бібліятэкі адбылася сустрэча “Шчодры талент зямлі Салігорскай”, прысвечаная 90-годдзю з дня нараджэння пісьменніка-земляка А.А.Дзялендзіка.
Біяграфія пісьменніка – ёсць найлепшы каментарый да яго творчасці. У гэтым упэўніліся вучні ДУА “Сярэдняя школа №8 г.Салігорска”, пазнаёміўшыся з прэзентацыяй “Сын сваёй зямлі і часу”, якую падрыхтавала бібліятэкар чытальнай залы Ніна Мігун.

У арганізацыі сустрэчы аказалі дапамогу вучні ДУА “Гімназія №2 г.Салігорска”. Сцяпурка Кірыл і Смаляк Аня адказна падышлі да расказу гістарычнага нарысу “Слуцкія ратаборцы”. Іншы раз менавіта легендарныя героі беларускай гісторыі становяцца адпраўным пунктам для ўяўлення маладых беларусаў пра беларускую гісторыю. Размова ішла пра Анастасію Слуцкую. Новыя, раней невядомыя факты, новыя ракурсы гістарычных падзей – усё гэта чакала гасцей сустрэчы.
Хочацца спадзявацца, што ў многіх узнікне жаданне паглядзець фільм “Анастасія Слуцкая”, які быў пастаўлены рэжысёрам Юрыям Ялховым па сцэнарыю А.Дзялендзіка “Легенда пра Анастасію Слуцкую” і даведацца пра абарону Слуцка ў пачатку 16 стагоддзя ад нашэсця крымскіх татар.
Расказ вучняў дапоўніла віктарына “Колесо истории». З вялікім задавальненням вучні складалі пазлы з выявай Анастасіі Слуцкай.
Да сустрэчы была падрыхтавана выставачная пляцоўка “Солигорщина – земля талантов».