Бібліятэкары Краснаслабодскай гарпасялковай экалагічнай бібліятэкі завіталі ў ДУА «Краснаслабодскі дзіцячы садок №1» да сваіх маленькіх сяброў і правялі пазнавальны калейдаскоп «Многа прафесій розных».
Дзеткі расказвалі, дзе працуюць іх бацькі, складалі разрэзаныя карцінкі, а потым да іх у госці прыйшла Мудрая Сава, якая ведае вельмі шмат аб краіне Прафесій. Яе зачараваў злы чараўнік і жыхары не памятаюць, дзе і кім яны працуюць. Каб знікла чараўніцтва, дзеткам патрэбна было выканаць усе заданні злога чараўніка.