“Якой бы цёплай ні здавалася восень, але ўжо не лета. І кастрычнік дакладна нам дае гэта зразумець… Эх, як жа імгенна ляцяць доўгія летнія дзянькі, шчодрыя на сонца і ўраджаі. Лёгкі сум па гэтай чароўнай часіне адбываецца нават на выбары кніжных навінак для нашай рубрыкі.» — так пачынае сваю пастаянную рубрыку «Кніжная паліца» («Беларуская думка» №10) Святлана Протас. Павольна і з бачным задавальненнем расстаўляе яна кнігі беларускіх пісьменнікаў на сваёй віртуальнай паліцы. Удумліва і далікатна дае характарыстыку кожнаму твору. Пасля яе агляду хочацца абавязкова прачытаць і новую кнігу «Ліпавы мёд» з серыі «Бібліятэка выбраных твораў», і зборнік аповесцей «Іголка ў квадраце», дзе змешчаны празаічныя творы маладых творцаў, чый нетрывіяльны погляд на так званыя вечныя тэмы, несумненна заслугоўвае ўвагі, і дэтэктыўны раман маркетолага па прафесіі, Вольгі Іванцовай «Дело Матильды Егоровой».

Прыемная навіна – на абанеменце Салігорскай раённай цэнтральнай бібліятэкі яны ёсць. Чытайце!
Спіс кніг, калі вам захочацца большага, знаходзіцца ў аддзеле інфармацыйна-бібліяграфічнай работы нашай бібліятэкі.