На Беларусi стала добрай традыцыяй у першую нядзелю верасня адзначаць Дзень беларускага пісьменства – свята духоўнасці, нацыянальнай культуры і кнігадрукавання.
Сёлета гасцінна сустракаў гасцей свята горад Івацэвічы Брэсцкай вобласці.
Пад час гутаркі-абмеркавання “Нас аб’ядноўвае слова”, прысвечанай Дню беларускай пісьменнасці, бібліятэкар Краснаслабодскай гарпасялковай экалагічнай бібліятэкі расказала дзецям пра знакамітых людзей Беларусі, якія ўнеслі вялікі ўклад у стварэнне кнігадрукавання.
Яшчэ гаворка ішла пра Івацэвіцкі край, знакаміты ўнікальнымі славутасцямі ў галіне гісторыі, культуры і літаратуры.