У Старобінскую гарпасялковую бібліятэку завіталі выхаванцы дзіцячага садка, а таксама хлопчыкі і дзяўчынкі са школьнага лагера «Усмешка».
У межах праекта «Кожная пятніца – роднае, сваё» прайшлі гучныя чытанні «Беларуская казка – розуму падказка». Дзецям паказалі казку на роднай мове – «Як кот звяроў напалохаў». Яны з захапленнем сачылі за прыгодамі герояў, дапамагалі ім парадамі і шчыра перажывалі за кожны паварот сюжэта. Праз гульню дзеці знаёміліся з мілагучнымі беларускімі словамі.