20 лютага, напярэдадні Міжнароднага дня роднай мовы, супрацоўнікі раённай дзіцячай бібліятэкі падрыхтавалі для выхаванцаў ДУА «Дзіцячы сад №10 г. Салігорска» і ДУА «Дзіцячы сад №15 г. Салігорска» цікавую праграму «Чароўная і святая, родная мова – жывая». Дзеці прымалі ўдзел у гульні «Перакладчыкі», адгадвалі вясёлыя загадкі на роднай мове, глядзелі лялечны спектакль па беларускай народнай казцы «Піліпка-сынок». Падчас правядзення мерапрыемства ў бібліятэцы была арганізавана выстаўка кніг беларускіх пісьменнікаў для дзяцей «Кніга родная, беларуская».