З даўніх часоў жыла ў народзе легенда аб тым, што пад Тамілавай гарой, якая ўзвышаецца непадалёк ад вёскі Чыжэвічы, схаваны цудоўны скарб… І вось у легенды з’явіўся працяг. Дзівосны працяг, народжаны нашай сучаснасцю. Аказваецца, ёсць скарб пад гарой! Геолагі знайшлі тут вялізныя паклады калійнай солі. Пра гісторыю вялікага скарбу, пра тое, як цудоўны камень урадлівасці робіць нас адметнымі ў свеце, бо ён адзін з асноўных прыкмет нашага горада, і адбылася размова паміж работнікамі чытальнай залы і вучнямі 7-х і 8-х класаў ДУА «Гімназія №2 г. Салігорска».

Удзельнікі сустрэчы дружна і з азартам прынялі ўдзел у квэсце «Кристалл Плодородия». Той, хто першы прайшоў маршрут і правільна адказаў на пытанні, атрымаў прыз. Да сустрэчы была падрыхтавана кніжная выстава «Самая соль Салігорска».